CXX.

1322, März 14. (Reichenbach.)

Heinrich von Reichenbach schenkt dem Stifte acht Schuhbänke in Schweidnitz.

In nomine domini amen. Quoniam misericordia est peccatorum remissio, comes precipua defunctorum, hinc nos Hermannus dictus de Richenbach de liberorum nostrorum consentanea voluntate ad honorem dei et beate Marie virginis gloriose ob animarum nostrarum remedium et salutem octo sutorum scampna vel eciam calciorum sita in Swidinicz civitate, que quidem ex munifica donacione domini ducis Bolkonis principis gloriosi ad nostrum pie memorie genitorem et ad nos per successionem paternam postea devenerunt, liberrima ab omni exaccione et angaria quocunque nomine censeantur, sive illa ducale servicium respiciant aut civile. Igitur cum tanta, sicut hic exprimitur, libertate cum omni eciam iure ac dominio universo, prout hactenus ipsa scampna possedimus pacifice multis annis, ita dicta scampna octo damus et conferimus nomine testamenti ac iure proprietatis perpetuo valitura monasterio de Kamencz et fratribus deo famulantibus in ibidem, quatinus ipsi eadem ac usus placidos pro libitu suo convertant ac nostri sint memores in suis oracionibus aput deum. In cuius rei testimonium et evidenciam pleniorem presentes sibi dedimus nostri sigilli appensione munitas. Datum anno domini millesimo C°C°C°. XX°. II. in dominica Oculi presentibus hiis testibus: domino Nycolao capellano nostro, Petro et Syndramo patruelibus nostris dictis de Bela, Johanne Scriptore, Heynrico Syber civibus in Rychenbach, Syndramo filio dicti Syndrami et aliis pluribus.

Or. Perg. Das an einem Pergamentstreifen befestigt gewesene S. des Hermann von Reichenbach ist von dem­selben losgelöst und fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.